星期五, 1月 03, 2003

一起寫吧!(九)又到聖誕 (寫作)

今次我推薦偽莊子的文章。今回我嘗試回顧過去各次的題目。

-------------------------
夜晚七點,我換o左拖鞋,著o左樽領冷衫、牛仔褲、風褸
同波鞋,飯都唔食就離開小西灣個屋企,搭巴士出筲箕灣
,o係筲箕灣道上o左電車,電車去堅尼地城。我坐上層,
左望右望。

我唔o係柴灣讀書,o係西環聖類斯讀,每日都係巴士轉電
車,貪平。算守時喇我,日日六四五就出門,七零五就上
到電車,一粒鐘乜都到。九月開始,我留意到一個女仔,
中六o卦我估,讀King's o既,清清純純咁啦。可能貪佢讀
書叻入到去,又或者係清純兩個字,見到佢都會好留意佢


去到銅鑼灣我落o左車。我出門口同阿爸阿媽講,約同學去
銅鑼灣V-Mix唱K,但係根本冇呢回事,我想預留呢晚夜畀
自己,英文就係reserve it。渣甸街人來人往,等o左一排
先等到個茶餐廳o既位,一杯熱奶茶一碗魚蛋河加少少辣椒
油,暖上加暖。

食完之後o係銅鑼灣行來行去,由皇室堡行到時代廣場。目
的得一個:想撞到佢。老實講o丫,我雖然記得佢個樣,但
係佢打散頭髮係點樣,扎o左髻係點樣,著o左褲之後又點
樣,或者著對boot會係點樣,我冇乜頭緒。可能身邊其中
一個化o左少少妝o既女仔,就係佢。來回皇室堡同時代廣
場,都係見唔到佢。十點鐘我又上o左電車,想去蘭桂坊。

一個星期我都見佢三四次,見唔到佢,硬係爭o左o的o野。
但係見著佢,都唔敢開口。因為朝早電車冇乜人傾偈。因
為我讀中四。因為我全班考十零二十。因為我有少少baby
fat。因為,我怕醜,我驚。

蘭桂坊一樣人多,個個吧o的人多到有眼見。我唔知道,亦
估唔到佢今晚會去邊,抑或留o係屋企。銀包o既錢唔多,
一張紅底唔夠買兩杯drinks。周圍走,周圍望,後生仔女
好多,重係見唔到佢。人多,又要行斜路,行完三個圈,
個身好慶。

十一點三,人愈來愈多,好似話會倒數。如果一個星期之
後,我唔覺得希奇;但係今晚,好騎呢囉。到o左呢個時
候,我想返屋企。

行到德輔道中,我上o左巴士返小西灣。返到屋企,十二
點都未到。唔知點解,當到十二點o個一刻,我細細聲講
o左句:「掛住妳。聖誕快樂。」
-------------------------
語體文版

晚上七時,我脫去拖鞋,換上包領毛衣、牛仔褲、風衣和
球鞋,沒有吃晚飯就離開小西灣的家,坐巴士到筲箕灣,
在筲箕灣道換乘電車,它往堅尼地城。我坐在電車上層,
左右張望。

我不在柴灣念書,而是在西環聖類斯中學念。我每天上學
都坐巴士轉電車,因為算車費最廉宜。我倒守時,每天六
四五出門口,七零五就乘上電車,一小時內就回到學校。
九月開學時,我已留意一個女生,想她念中六,英皇書院
,樣子清清純純的。可能她成績好,所以她被英皇取錄,
或因為「清純」兩個字,所以特別留意她。

電車到了銅鑼灣時,我下車。離家時我跟父母說,約了同
學到銅鑼灣的KTV V-Mix,但根本沒這回事,我想把這夜留
給自己,用英文說是reserve it。渣甸街人來人往,等好
些時才能坐在茶餐廳,喝一杯熱奶茶吃一碗魚蛋河加點辣
椒油,使我暖上加暖。

吃飽後在銅鑼灣逛,從一邊的皇室堡走到另一邊的時代廣
場,只為了碰到她。老實說,我雖然記得她臉容,但她不
結辮的模樣如何,結髻後又如何,穿上褲子的模樣如何,
或是穿了皮靴又怎生模樣,我沒甚頭緒。可能我身邊其中
一個化了淡妝的女孩,就是她。皇室堡到時代廣場來回一
次,都碰不著她。十時我又登上電車,蘭桂坊去。

一星期我會見她三四次,若果見不著,總覺得有點失落。
可是我見到她,都不敢跟她聊。因為早上的電車沒有甚麼
人聊天。因為我念中四。因為我班裡成績只在中游。因為
我有點baby fat。因為,我害羞,我怕尷尬。

蘭桂坊如銅鑼灣般人山人海,眼見酒吧的顧客多得很。我
不知道,也猜不到她今晚會去哪,或在家度過。錢包沒有
太多錢,一百塊不夠付兩杯錢。四處走走看看,年輕人很
多,但我仍然見不到她。人多,又要走斜路,繞了蘭桂坊
三圈,身子已熱呼呼。

十一時十五分,人愈來愈多,聽說還有倒數。如果一星期
後此時倒數,不足為奇;但今晚倒數實在怪。在此時,我
想回家。

走到附近的德輔道中,登上巴士回小西灣。到家時,還未
到十二時。不知為何,當到十二時,我細語:「念著妳。
聖誕快樂。」
-------------------------
第十次的寫作題目是「空想生活」,由偽莊子出題。

一起寫吧!網上閱讀

0 Comments:

發佈留言

Links to this post:

建立連結

<< Home